Ngimmato iti 10.3 percent ti trade deficit ti Pilipinas idi Setyembre iti baet ti record-high export earnings, maibasar iti Philippine Statistics Authority (PSA).
Umabot iti 5.15 billion dollars ti trade deficit, manipud iti 4.67 billion dollars iti isu met laeng a bulan idi napan a tawen, kalpasan a ngimmato iti 26 percent ti imports iti 15.03 billion dollars.
Kabayatanna, umaboten iti 9.87 billion dollars ti exports, katukad iti 35.6 percent a panagdur-as ken kapaspasan a panagpangato manipud Abril 2021, a ti kaadduan ket electronic products.
Segun iti Philippine Exporters Confederation Inc., manamnama nga agtultuloy ti panagdur-as ti exports, ngem kasapulan latta a pasaray baliwan ti pagilian dagiti produkto a mai-export ken gundawayan dagiti katulagan iti panagnegosio.
