--Ads--
Impasigurado ti Toll Regulatory Board (TRB) ti kinasagana dagiti toll operators a mangsango iti manamnama a panagado ti lugan kadagiti toll plaza ita nga Undas ken long weekend.
Segun iti TRB, umdas ti intuding dagiti toll operators a toll collectors ken marshal’s tapno mapapardas ti panagayus ti trapiko ken tumulong kadagiti motorista.
Maipatpatungpal met ti Oplan Biyaheng Ayos ken naituding dagiti quick response teams a dagus a mang sungbat kadagiti emergency, nangruna no nadagsen ti ayus ti trapiko.
Kabayatanna, impanamnama ti NLEX a bantayan dagiti road marshals-da ti sibubukel nga expressway ken itukon da met ti libre a towing kadagiti lugan nga addaan problema iti kalsada.
-- ADVERTISEMENT --
