--Ads--
Nakasagana manen ni Transportation Secretary Vince Dizon nga ag testigo iti sumaruno a proceedings mainaig iti flood control scandal, pakairamanan ti kaso a sangsangoen ni dati nga Ako Bicol Party-list Representative Zaldy Co.
Segun ken ni Dizon, surotenna dagiti kalikagum ti Office of the Ombudsman tapno maituloy dagiti kaso a naipila kontra kadagiti personalidad a mapapati a nairaman kadagiti anomalya kadagiti proyekto.
Naudi a nagtestigo ni Dizon idi Setyembre 23 iti kaso ti graft ni Co a mainaig iti maipagarup nga iregularidad iti ₱289.4 milion a flood control project idiay Naujan, Oriental Mindoro.
Personal met nga inspeksionen ni Dizon ti nadakamat a proyekto ket impadamag na a substandard dagiti nausar a sheet piles.
-- ADVERTISEMENT --
