Kiniddaw ti kampo ti beterano a journalist a ni Philip Luster Jr. a mayakar ti pannakadengngeg ti kasona a cyber libel manipud iti Siudad ti Davao gapu iti pakaseknan a saanda a natalged sadiay.
Segun iti abogadona a ni Atty. Dino De Leon, isagsaganada pay dagiti motions para iti reinvestigation ken dismissal ti kaso, kalpasan a naaresto ni Luster sadiay Quezon City idi Sabado iti bileg ti warrant nga inruar ti maysa a korte sadiay Davao City.
Kabayatanna, binigbig ni Atty. Manases Carpio, asawa ni Bise Presidente Sara Duterte, kas nagreklamo kontra ken ni Lustre, ket temporario a nawayawayaan kalpasan ti panangipostena iti piyansa.
Kalikaguman pay ti kampo ni Lustre ti kompirmasion no agkakabagian da Davao City Prosecutor Jhopee Avanceña ken Honeylet Avanceña, asawa ni dati a Presidente Rodrigo Duterte, kasta met dagiti dokumento a mangpaneknek a naipatulod dagiti subpoena ken summons a mainaig iti nasao a kaso iti journalist.
