Ingetan ti Philippine National Police ti recruitment standards para kadagiti kayatna nga agbalin a pulis, kasaruno dagiti damag mainaig iti sumagmamano a criminology interns a maipagarup nga aglablabsing iti simple a linteg-trapiko.
Segun ken ni PNP chief Gen. Jose Melencio Nartatez Jr., napateg a masagat a nasapa dagiti aplikante nga adda kwestionable na a background ken character tapno maprtotektaran ti integridad ti organisasion.
Pinasingkedan ni Nartatez nga awan ti lugar iti serbisio dagiti aplikante a saan a sumurot kadagiti simple a pagannurotan ken linteg.
Immunan a nagbalaag ni National Police Commission (Napolcom) Vice Chairperson ken Executive Officer Rafael Vicente Calinisan a mabalin a saan a maiproseso ti police application ken saan a mapalubosan a makaala ti entrance examination dagiti criminology intern a mapaneknekan a karaman kadagiti panaglabsing.
