Posible a lumaban manen iti ring ti Filipino boxing legend a ni Manny Pacquiao kalpasan ti panangibaga ti boxing promoter Eddie Hearn a nagtulagen ti kampoda kadagiti pagannurotan iti posible a laban kontra iti British boxer a ni Joe Cordina.
Segun ken ni Hearn, saan pay a masigurado no matuloy ti nasao a laban a posible a mairaman iti undercard ti mapaspasungadan a heavyweight clash da Tyson Fury ken ni Anthony Joshua inton Disyembre.
Naudi a limmaban ni Pacquiao idi napan a tawen ket nagleppas iti kontrobersial a majority draw ti labanna kontra ken ni Mario Barrios, idinto a saan pay a natuloy ti naituding a rematch-da ni Floyd Mayweather Jr.
Ni Cordina, nga agtawen iti tallopulo ket uppat, ket adda rekordna a 19 a pangabak, maysa nga abak, agraman ti siam a pangabak babaen iti knockout, ken dati a kampeon ti International Boxing Federation iti featherweight division.
