Nagpalagip ti Ilocos Sur Highway Patrol Group kadagiti indibidual a pasaray agi-post iti video dagiti enforcement operation iti social media a saanda daytoy nga ar-aramiden.
Dayta ket kalpasan dagiti nagsasaruno a post iti social media mainaig iti police operation ti HPG iti kalsada.
Iti pannaki-uman ti Bombo Radyo Vigan ken ni PMaj. Jordan Sambo, dayta nga aramid ket mabalin a maikompromiso ti paglintegan ken mabalinna nga allukoyen dagiti kriminal a libasan ti pannakatiliwda ta ammodanton ti panglikliklikanda.
Kinuna ni Sambo a nasaysayaat pay koma no mai-post laeng dagitoy no malpasen ti operasion, saan ket a no manarimaan pay laeng.
Inyunay-unayna pay a ti HPG kas maysa nga special unit ti Philippine National Police ket mandatoda nga ipatungpal ti linteg-trapiko.
