DTI, impanamnamada a saan nga agpangina ti presio dagiti produkto kasangwanan ti Undas

Awan ti makitkita ti Department of Trade and Industry (DTI) a panagpangina iti presio kadagiti kangrunaan a tagilako sakbay a sumangbay ti Undas.

Segun ken ni Trade Secretary Cristina Roque, natalged ti presio dagiti adu a produkto kas kadagiti kandela, bottled water ken dadduma pay a tagilako.

Agtultuloy ti panagmonitorda kadagiti kangrunaan a supermarket ditoy pagilian.

Awan met ti kiddaw manipud kadagiti manufacturers iti DTI nga agpangina kadagiti produktoda.

~ Bombo Kleo