--Ads--
Pinasingkedan ti Department of Foreign Affairs (DFA) a pito nga overseas Filipino workers (OFWs) ti nadunor, pakairamanan ti tallo nga agtaltalinaed a kritikal ti kasasaadda iti pannakaraut ti Saudi Arabia, maibasar iti kaudian a report manipud iti Department of Migrant Workers (DMW).
Nakikoordinar ti DFA ken DMW kadagiti otoridad ti Saudi Arabia tapno mangipaay iti kasapulan a tulong kadagiti Pilipino a naapektaran iti riribuk iti pagilian.
Innaig dagiti ahensia ti insidente kadagiti panangraut a napasamak idiay King Khalid International Airport idi Sabado.
Kabayatanna, impakita ti DFA ti pannakiraemda kadagiti pamilia dagiti biktima ken inyebkasda ti pannakaseknanda kadagiti nadunor iti nasao a trahedia.//via Bombo Cyrelle Ann Rosario
-- ADVERTISEMENT --
