Mangiruar ti Department of Labor and Employment iti uppat a labor advisories inton Nobiembre tapno masalwadan dagiti mangmangged kontra iti nakaro a pudot a manamnama gapu iti El Niño.
Karaman kadagiti plano nga addang ti posible a panangsuspenso iti trabaho no umaboten iti napeggad a lebel ti heat index ken panangted iti benepisio kadagiti kwalipikado a mangmangged a makaptan iti sakit gapu iti bara kabayatan ti panagtrabahoda.
Makitaripnong pay ti DOLE kadagiti kompania ken mangibagi kadagiti delivery riders ken platform drivers tapno pagpatangan ti posible a panangpalukay iti trabaho manipud alas dose iti aldaw agingga alas tres iti malem.
Karaman pay iti gakat ti panangisuot iti komportable a kawes ken panangipatungpal iti staggered working hours tapno maaywanan ti salun-at ken kinatalged dagiti mangmangged.
