Inkari ni National Anti-Poverty Commission (NAPC) Secretary Manny Pacquiao a palawaenna ti tulong ti gobierno kadagiti nakurapay a Pilipino tapno sumayaat ti kasasaad ti panagbiagda.
Impangpangruna ni Pacquiao ti pannakaipaay ti disente a balay, pangkabuhayan ken edukasion para kadagiti benepisiario a maitunos iti direktiba ni Presidente Ferdinand Marcos Jr. a tumulong kadagiti sektor a kaaduan ti agkasapulan.
Impaganetget ni Pacquiao nga ad-adu pay a pamilia ti matulonganna ita ta mabalin a mausar ti pondo ti gobierno para kadagiti programa kontra iti kinapanglaw, kalpasan a personal a timmulong iti rinibu a pamilia iti napalabas.
Nakikadua met dagiti nadumaduma nga ahensia ti gobierno ken partner organizations iti awag a mangikkat iti kinapanglaw babaen ti panangtaginayon iti kappia, panangsalaknib kadagiti karbengan ti tao ken panangitandudo iti umdas a balay para iti amin.//via Bombo Cyrelle Ann Rosario
