--Ads--
Imbingay ni Concert Queen Pops Fernandez a maysa kadagiti ar-arapaapenna a proyekto ti maaddaan iti back-to-back concert kadua ti Megastar a ni Sharon Cuneta.
Segun ken ni Pops, nupy nag-guest-dan iti bukodda a concert, saanda pay a naaddaan iti duet performance ken namnamaenna a matungpal daytoy iti kabiitan a panawen.
Inlawlawagna nga awan ti nagbalin a riri iti nagbaetanda ken ni Sharon uray no naminsan idi a napagkumparada.
Kabayatanna, naituding a maisayangkat ti concert a “POPS” inton Nobiembre 26 idiay Newport Performing Arts Theater, kadua dagiti special guest a da Regine Velasquez, Vina Morales, Erik Santos, Helen Gamboa-Sotto, Jay Durias ken ni Martin Nievera. /via Kleo Dayag
-- ADVERTISEMENT --
