--Ads--
Nagbalaag ti Armed Forces of the Philippines a maituloy agingga 2028 elections ti maar-aramid a foreign ken domestic malign activities ti China iti pagilian.
Segun ken ni AFP spokesperson for the WPS Rear Adm. Roy Vincent Trinidad, karaman daytoy ti agresibo a tignay ti China iti kabaybayan a sakop ti Pilipinas.
Inyarig na daytoy ti agtultuloy a presensia ti barko ti China idiay Bajo de Masinloc ken sumagmamano nga insidente ti panagdinnupar ti Philippine Coast Guard iti barko ti China.
Impasigurado ni Trinidad nga ikalintegan ti AFP iti panangdepensa da ti soberania ti Pilipinas.
-- ADVERTISEMENT --
Kabayatanna, inallukoy na ti publiko nga agbalin a nasirib ken naannad kadagiti mairruar nga impormasion ti China kangrunaan iti patangan ti West Philippine Sea.
