--Ads--
Awan ti naan-anay a panawen ni Presidente Ferdinand Marcos Jr. tapno tutukan ti impeachment trial ni Vice President Sara Duterte.
Segun ken ni Marcos, adu ti trabahona ket daytoy ti pokusanna isu a bay-annan ti Senado nga aramiden ti trabahoda.
Kinunana a saan a napateg kenkuana ti impeachment hearing, ket ti kinapudnona, ti laeng lima minutos a highlights ti buybuyaenna kalpasan ti trabahona.
Innayonna pay a ti napateg kenkuana ita ket ti malpas ti trabahona ta mapampanunotna a nasurok-kumurang 19 a bulan laengen ti nabatbati iti terminona ket adu pay dagiti kayatna a leppasen.
-- ADVERTISEMENT --
