Dua a babai ti nadunor gapu iti mapapati a panangdangran ti maysa a Barangay Kagawad iti ili ti Burgos, Ilocos Sur.
Dagiti biktima ket pakairamanan ti maysa a mangisursuro, agtawen iti duapulo ket siam, ken maysa a mannalon a babai, agtawen iti pitopulo, agnaed iti nasao nga ili.
Ti met suspek ket agtawen iti upat a pulo ket maysa, Barangay Kagawad.
Maibasar iti imbestigasion, agpatpatang ti mangisursuro ken ti ikitna mainaig iti personal a banag, idin ta simmampitaw ti asawa ti suspek iti saritaanda
Sipud iti dayta, rimsua ti nabara a patangan dagiti nasao a Partido ken nagsisinnungbatda iti agkakadakes a balikas.
Dimteng ti maysa nga SBM iti lugar tapno patalnaen ti sitwasion ken binalakadanna ida nga isardengda ti agririri.
Kalpasanna, dimteng ti suspek ket sinangatna ti mangisursuro a biktima ket kabayatan ti panagsinnungbatda, dinanog ti suspek ti ulona iti namitlo a daras ken namindua a daras met iti kannigid a matana.
Malaksid dayta, dinanog pay ti suspek ti kannawan nga abaga ti maysa met laeng a biktima.
