Maysa pay ti natay idinto a 11 ti nadunor iti baro manen a panagraut iti international airport ti Riyadh, Saudi Arabia, maysa nga aldaw kalpasan ti immuna a panagraut a nakatayan dagiti 13 a tattao ken nakadunoran ti 300 a sabali pay.
Segun kadagiti pannakabagi ti linteg ti Saudi Arabia, tinarget ti saan pay nabigbig a projectile ti Terminal 4 ti airport ken nangitunda iti uram.
Immunan nga inaklun dagiti Houthi nga aramidda ti panagraut idi Sabado.
Kinumpirmaran dagiti otoridad ti pannakalapped iti maysa a cruise missile iti aglawlaw ti King Fahd International Airport, maysa a drone iti Eastern Province ken maysa a ballistic missile iti Khamis Mushait.
Gapu kadagiti insidente, temporaryo a naipasarra ti airport idiay Riyadh ken nagbalin a remote learning dagiti klase kadagiti pagadalan iti siudad manipud Dominggo agingga Huebes.
