Saan pay a naisubli ti kotse nga immuna a naipadamag nga impa-upa ti biktima a lalaki iti maysa a babai idiay Barangay Bayubay Sur, San Vicente, Ilocos Sur.
Iti pannakiuman ti Bombo Radyo Vigan ken ni PLT Marvin Jordan Laroya, pinasingkedan na nga iti agdama ket mannarimaan pay laeng ti imbestigasion da tapno matunton wenno ma-trace iti ayan ti kotse.
Segun ken ni Laroya, nakibinnuilig da payen iti Highway Patrol Group, Land Transportation Office ken daduma pay nga ahensia a posible a makatulong kadakuada a makaitudo iti ayan ti lugan.
Maipalagip nga inkari ti suspek a bayadanna a buo ti upa ti lugan kalpasan ti makabulan a katulagan, ngem saanen a naisubli ti lugan kalpasan ti naikeddeng a rental period.
Kabayatanna, napukaw payen iti GPS tracking ti silver metallic a Toyota Vios, ken saanen a makontak ti cellphone ti suspek a babai a taga-Cauayan, Isabela.
