--Ads--
Naduktalan iti immuna nga imbestigasion a ti 9mm pistol a naaramat iti pammaltog idiay Banga National High School ket naala iti baul ti ama ti suspek, maysa nga empleado ti Department of Education Region 12 ken agisursuro iti gun safety.
Inkari ni House Senior deputy Dinand Hernandez iti dagus a tulong para kadagiti biktima ken pamiliada, bayat a maag-agasan dagiti estudiante iti ospital.
Impaganetget ni Hernandez a patibkeren dagiti pagkasapulan ti seguridad kadagiti pagadalan, mental health support kadagiti estudyante, ken panangliklik ti saan a kumpirmado nga impormasion.
Tallo kadagiti nadunor nga estudiante ti nakaruaren iti ospital, idinto a dagiti uppat ket agtultuloy ti pannakaagasda.
-- ADVERTISEMENT --
