Umaboten iti siam a pulo ket maysa ti kinemmeg dagiti otoridad gapu iti panaglabsingda iti gun ban para iti 2025 midterm elections, ken siam a pulo ket tallo nga armas ti nakumpiskar agingga idi aldaw ti Mierkoles, Enero 15, segun iti Philippine National Election Monitoring Action Center.
Sipud idi Enero 12, nainget a maiparparit ti panagipatulod ti paltog malaksid no adda certificate of authority wenno exemption manipud iti Comelec.
Segun ken ni PNP Spokesperson Brig. Gen. Jean Fajardo, temporaryo a nasuspenso ti amin a permit to carry firearms kabayatan ti pannakaipatungpal ti gun ban nga agpaot agingga June 11, 2025.
Karaman kadagiti nakemmeg dagiti uppat a security guard, dua a suldado, maysa nga empleado ti gobierno, ken maysa a kameng manipud iti sabal inga ahensia ti panangipatungpal iti linteg.
