--Ads--
Natalged a nakaawid iti Pilipinas dagiti siam nga overseas Filipino workers (OFWs) manipud Iran iti tengnga ti tension idiay Middle East, segun ti Department of Foreign Affairs (DFA).
Simmangpet dituy pagilian dagiti umuna a batch dagiti OFW ket naisayangkat ti repatriation babaen ti tulong dagiti Embahada ti Pilipinas idiay Tehran ken Ankara babaen ti land crossing ken flight nga agsubli ti Pilipinas.
Pinasingkedan met ni Presidente Ferdinand Marcos Jr. nga agsagsagana ti gobierno ti chartered flights tapno maka-awid pay ti ad-adu a Pilipino bayat nga agtultuloy ti tension ti Israel, Amerika ken Iran.
Idi napalabas a domingo, rinibo nga OFWs iti Middle East ti nangibaga ti tarigagay da a makaawid iti Pilipinas.
-- ADVERTISEMENT --
