--Ads--
Tallo a pamilia wenno siam nga indibidual iti naapektaran iti storm surge idiay Barangay Sulvec, Narvacan, Ilocos Sur gapu ti Bagyo Uwan.
Iti pannaki-uman ti Bombo Radyo Vigan ken ni Barangay Captain Paul Asterio Cabasal, naisayangkat ti force evacuation kadagiti umili nga apektado idi rabii gapu iti kapigsa iti dalluyong iti kabaybayan.
Segun ken ni Kapitan Cabasal, lima a kalapaw iti nadadael ken sangapulo ket innem a pagtaengan iti naapektaran wenno nadadaelan iti isim gapu iti storm surge.
Naipakaammo pay kenkuana nga adda maysa a bangka iti mangngalap iti napukaw gapu iti kellaat a panagpangato iti lebel ti kabaybayan.
-- ADVERTISEMENT --
Kabayatanna, impasigurado ti kapitan a nakamonitorda iti sitwasyon iti baet iti iya-adayo ti bagyo iti pagilian.
