8k a Pilipino, immatendar ti umuna a Simbang Gabi idiay Vatican nga indaulwan ni Pope Francis

VIGAN CITY – Saan a mailawlawag iti rikna dagiti sumurok-kumurang walo ribo a Pilipino nga immatendar iti umuna a simbang gabi wennu misa de gallo idiay St. Peters’ Basilica, Vatican City nga indaulwan ni Pope Francis.

Ti report ni Bombo International Correspondent Michael Patron a taga- Bantay, Ilocos Sur ken agtrabtrabaho idiay Rome, Italy, narikna da iti panagyaman ti Santo Papa iti panangitultuloy da a mangibiyag kadagiti pannursuro ti Nasantoan a Kasuratan kas ti panagatendar ti Simbang Gabi.

Malaksid iti dayta, agyamyaman pay ti Santo Papa nga uray adayo da kadagiti nakaiyanakan da a daga ket saan da a malipatan dagiti nakairuwaman da nga aramiden kas iti pannakimisa.

Adda pay dagiti singer manipud kadagiti naduma- duma a Filipino community idiay Italy a nagpabuya.