--Ads--
Rimuar iti maysa a survey ti Stratbase ken Social Weather Stations nga 87 percent kadagiti Pilipino ti mangayat a mangipangruna iti baro a Senado ti reporma iti edukasyon iti umadani a 20th Congress.
Naaramid ti survey sakbay ti midterm elections idi Mayo 12, a mangipakpakita iti napigsa a suporta iti panangpasayaat iti access iti edukasyon babaen iti nasaysayaat a pampubliko a sistema, scholarship, ken vocational training.
Karaman pay kadagiti dadduma a prayoridad dagiti Pilipino ti panangital-o iti agrikultura, panangpapigsa iti healthcare, panangpalawa iti social welfare, panagpangato ti sueldo, panangbukel iti trabaho, kontrol iti presyo ken transparency iti gobierno.
Nakipaset ti 1,800 a rehistrado a botante iti pagilian para iti survey.
-- ADVERTISEMENT --
