Natay dagiti walo a tattao iti pammaltog a napasamak iti ruar ti maysa a nightclub idiay Ecuador.
Segun ken ni Police Colonel Javier Chango, simmangpet ti law enforcement iti nakapasamakan iti insidente kasaruno iti emergency call a naawatda ket nadanonanda a nakadasay iti sumagmamano a tattao a nadundunor gapu iti pammaltog.
Naammoan a simmangpet dagiti gunmen a nakalugan iti dua a pickup truck nga isun ti nagpaputok kadagiti tattao nga adda iti ruar ti nightclub idiay Santa Lucia, Guayas Province ket kalpasanna, isun ti panaglibasda.
Karaman kadagiti natay ti nightclub owner a ni Jorge Urquizo a kabsat ti mayor iti nasao a lugar.
Nasarakan dagiti otoridad iti walogasut a cartridge cases iti nasao a lugar.
Saan pay nga ammo dagiti otoridad nu ania iti motibo iti nasao a pammaltog.
