Nakaawiden iti Pilipinas dagiti walo a seafarer iti MV Eternity C nga inatake ti Houthi rebels idiay Red Sea.
Indauluan ni Department of Migrant Workers (DMW) Secretary Hans Leo Cacdac ti panangpasangbay kadagiti seafarer a simmangpet iti Ninoy Aquino International Airport terminal 1 idi July 16, 2025.
Sakbayda a simmangpet ket naikkanda iti tulong manipod Philippine Consulate General idiay Jeddah, Saudi Arabia.
Amin a simmangpet ket maipaayan ti financial assistance babaen ti Aksyon Fund iti DMW, Emergency Repatriation Fund manipod Overseas Workers Welfare Administration (OWWA) ken Department of Social Welfare and Development Office.
Maikkanda pay ti comprehensive reintegration support manipod iti Technical Education Skills and Development Authority.
Maipalagip nga inatake dagiti Houthi rebels ti Greek-owned bulk carrier nga MV Eternity C idi July 7 ken 8 bayat nga addada iti Red Sea.
