Umaboten iti 76,425 a dengue cases iti naireport bayat ti umuna a paset ti first quarter ita a tawen kas kinuna ti Department of Health.
Iti listaan ti DOH a naireport manipod January 1 agingga March 15, pitopulo ket walo a porsiento a nangatngato ti nasao a bilang ngem iti 42,822 a kaso a nairekord iti isu met la a panawen idi napalabas a tawen.
Dagiti rehiyon a nakairekord iti adu a kaso ket idiay Calabarzon babaen ti 15,108, simmaruno idiay National Capital Region a 13,761 ken Central Luzon a 12,424.
Kinuna ti Health officials a kaadoan kadagiti pasyente ket ubbing nga agtawen iti sangapulo ket uppat agpababa.
Nabalakagdan dagiti local government units nga itultuloy iti panagtignayda tapno malabanan ti dengue kangrunaan ti panangsapul ken panangdadael iti posible a pagitlogan dagiti lamok.
