VIGAN CITY- Agpapaimbag idiay Abra Provincial Hospital iti lalaki nga agtawen iti innem a pulo ket uppat gapu iti panangbagkong kenkuana ti kabsat na nga agtawen iti pito pulo ket uppat idiay Barangay Buanao, Malibcong, Abra.
Maibasar iti impormasyon a naala ti Bombo Radyo Vigan, napan naki-inninum dagiti agkabsat nga Edilberto Baaoa Cagait, agtawen iti 64 kenni Eliuterio, agtawen iti 74 ket idi nakaawid da iti family house da iti nasao a lugar, adda iti rimsuwa a saan da a panagkinnawatan gapu iti napalabas a parikot iti pamilya.
Gapu ti dayta, dinanug ni Edilberto ni Eliuterio nga isu iti nakarurudan na agingga a nangala iti patadem ket binagkong ni Eliuterio ti kabsat na.
Naitaray iti ospital ti biktima idinto a ti suspek ket nakemmeg dagiti nagresponde a pulis ken narekobre pay iti patadem nga inaramat na.
