--Ads--
Pito gasut tallopulo ket walo a pagadalan iti nadumaduma a rehion ti pagilian ti saan pay laeng nga aglukat ti klase inton Lunes, Hulio 29, gapu iti epekto ti monsoon ken bagyo a Carina.
Karaman kadagiti rehion ket ti Region 3, Region 7, Cordillera Administrative Region, ken National Capital Region.
Maibasar iti rekord manipud iti Department of Education (DepEd), nasurok duagasut a pagadalan ti nalayus idinto a nasurok 400 ti nagserbi kas evacuation centers.
Iti pakabuklan, nasurok a 12,000 nga eskuelaan iti innem a pulo ket lima a division iti sangapulo a rehion ti naapektaran iti panagduparak ti bagyo.
-- ADVERTISEMENT --
