--Ads--
Impakaammo ti Department of Health (DOH) iti pitopulo ket maysa a kaso ti acute stroke manipod December 21 agingga December 27, 2024 kas paset ti monitoring bayat ti holiday season.
Segun ken ni DOH Assistant Secretary ken Spokesperson Albert Domingo, ti listaan ket nakolekta manipod sentinel hospitals.
Kinuna ni Domingo nga uppat a pulo ket maysa ti naaddaan ti acute coronary syndrome ken uppat a pulo ket uppat iti naaddaan ti asthma.
Imbalakadna a liklikan ti napalalo a pannangan ken panaginom kadagiti mabalin a mangpataud iti stroke ken heart attack.
-- ADVERTISEMENT --
Para met iti bronchial asthma, pagan-annaden ni Domingo dagiti umili ta posible a ngumato ti kaso bayat ti bisperas ti baro a tawen gapu ti firecrackers ken gunpowder particles iti angina.
