Naikkat iti puesto dagiti 70 a pulis a miembro ti Regional Mobile Force Battalion 14B gapu iti mapapati a hazing idiay Lamitan, Basilan.
Napasamak ti hazing iti nagbaetan ti alas dose iti aldaw agingga alas sais iti rabii idi Pebrero 6 iti reception rites dagiti baro a pulis, ket viral pay iti social media dagiti ladawan ken video ti pasamak.
Segun ken ni PNP Spokesperson Police Brigadier General Randulf Tuaño, karaman kadagiti 70 a kameng a naikkat iti puesto dagiti 12 a non-commissioned officer a mapapati a direkta a karaman iti panagmaltrato.
Agdama a nakakustodia iti Regional Personnel Records Management Division–Regional Police Holding and Accounting Section sa Parang, Maguindanao del Norte dagiti pulis kagiddan ti panagtultuloy ti imbestigasion.
