--Ads--
Nangipila iti kaso ti Department of Education kontra kadagiti pito a pribado a pagadalan a mapapati a nangilista kadagiti ‘ghost student’ kas benepisyaryo iti voucher program ti gobierno, segun ken ni Secretary Sonny Angara.
Umabot iti P61.9 milion ti pakabuklan a gatad a karaman iti naipila a kaso iti piskalya, agraman dagiti demand letter.
Idi Pebrero, inimbestigaran ti DepEd dagiti sangapulo ket dua a pribado a pagadalan iti nadumaduma a probinsia ken ti Metro Manila gapu iti mapapati a ghost student iti Senior High School Voucher Program, a mangipaay iti P14,000 agingga P22,500 kada estudiante.
Target ti DepEd a maala ti agingga P100 milion a pondo ti pagilian babaen iti kaso a criminal ken sibil.
-- ADVERTISEMENT --
