--Ads--
Nairekord ti Department of Health ti 7,741 a kaso ti dengue sipud Enero agingga Enero 24 ita a tawen.
Segun iti DOH, kitkitaenda ti epektibo a kampania a ‘Taob, Taktak, Tuyo, Takip’ ti ahensia tapno maipababa ti bilang dagiti kaso no ikumpara idi napalabas a tawen.
Maibasar iti record, 71 percent ti bimmabaan ti agdama a kaso manipud iti 26,652 iti isu met laeng a panawen idi 2025.
Nagpalagip met ti DOH iti publiko a pagtalinaeden ti kinadalus iti aglawlaw ken siguradoen nga awan ti maurnong a danum kadagiti lugar a mabalin a pagitlogan ti lamok.
-- ADVERTISEMENT --
Inallukoy ti ahensia dagiti makarikna iti sintomas kas ti gurigor, rashes, panagulaw, panagsakit ti bagi, laslasag ken likod dagiti mata a dagus nga agpakonsulta.
