7.2% a Pinay, makapadpadas iti panagabuso kadagiti asawa, karelasionda – WHO

7.2 percent kadagiti babbai a Pilipino nga agtawen iti 15 agingga 49 ti nakapadas iti pisikal wenno sekswal a panagabuso manipud iti asawa wenno partner-da.

Iti intero a lubong, 25.8 percent kadagiti babbai ti nakapadas iti intimate partner violence, ken dakkel a pasetna ti mangrugrugi kadagiti agtutubo.

Para kadagiti non-partner sexual violence, 2.8 percent ti Pilipinas ti makapadpadas iti kastoy no dadduma.

Impaganetget ti World Health Organization nga agraraira ken seryoso daytoy nga isyu iti salun-at ken karbengan ti tunggal maysa kontra iti kinaranggas kadagiti babbai, ken posible a nangatngato pay ti aktwal a bilang ngem ti nadakamat.