Maysa a lalaki nga agtawen ti uppat a pulo ket lima ti bimmaknang babaen ti panagpalpalamana idiay Malaysia.
Ti agtawen uppat a pulo ket lima a lalaki ket inaldaw nga agpalpalama iti Sri jaya night market idiay Pahang, Malaysia ket natakuatan nga addan isunan iti kotse idi kinasarita dagiti kameng ti Social welfare Development
Nakigtotda ta addaanen ti lalaki ti Proton X70 a lugan, maysa a premium sport utility vehicle nga aggatad ti 1.5 million pesos.
Inamin ti lalaki a kumitkita isuna iti innem a ribo kada aldaw babaen ti panagpalpalama, adda pay maal-alana a 5,600 pesos a monthly allowance manipud iti Social Welfare Department ta maysa isuna a person with disability (PWD).
Segun kenkuana, araramatenna ti maal-ala na a pangbayad iti car installment ken para iti gastusenna iti inaldaw,
Saan met nga inreklamo isuna dagiti social workers ta naibilang paylaeng dayta a first offense ngem nabagaan nga isardengnan ti agpalama
