VIGAN CITY- Addan iti sursuruten dagiti kameng ti Vigan City police station a posible a motibo ti pammaltog idi agsapa idi kalman idiay San Julian Sur, Vigan City a nakatayan ni Domingo Regil Santiago nga agtawen iti tallo pulo ket dua a tubo ti Pilar, Abra ngem agnanaed idiay Brgy. Rugsuanan, Vigan City.
Segun ken ni Police Inspector Crisanto Alon, imbetsigador ti Vigan City police station, adda ti naiyistorya kadakuada ti live in partner ti biktima nga isu iti pangrugrugyanan iti imbestigasyon ngem itultuloy da iti agsapul iti sabali pay a posible nga anggulo ken motibo ti pasamak.
Kabayatanna, kas kadagiti nakaikamangan ti biktima, awan met iti dakes a makuna iti boss ti biktima a ni Angelica Fuller ta segun kenkuana ket nasayaat nga empleyado ni Santiago ken uray nu nabiit pay laeng ket ninayunan na pay iti suweldo na ta makita na iti napintas a performance na.
