Nasurok sangaribo a bumbero iti manglablaban ti wildfire idiay California a nakauramanen iti nasurok 65,000 nga ektarya iti daga.
Segun kadagiti opisyal, ti Gifford Fire ket nangrugi idi Biernes iti Los Padres National Forest idiay Solvang, California a nakaapektaran payen iti Santa Barbara ken San Luis Obispo counties.
Gapu ti uram ket naibilin ti panagbakwit ken panagballaag kadagiti umili idiay Santa Barbara ken San Luis Obispo counties ken gappuanan ti panagsarra ti Highway 166 gapu iti agsinnumbangir a pannakauram ti igid ti kalsada.
Kabayatanna, tallo a tattao iti nairekord a nadunor gapu ti wildfire pakairamanan ti maysa a sibilyan a naospital gapu ti burn injuries idinto a dua pay a contractor employee iti nadunor iti UTV rollover incident.
