Nagbalin a nakappia ken naurnos ti maikalima nga State of the Nation Address ni Presidente Ferdinand Marcos Jr, segun iti Philippine National Police.
Segun ken ni PNP Chief Gen. Jose Melencio Nartatez Jr., nagbalin a naballigi ti seguridad iti koordinasion ti PNP, Armed Forces of the Philippines, Metropolitan Manila Development Authority, Philippine Coast Guard, Bureau of Fire Protection, ken lokal a gobierno ti Quezon.
Nasurok 20,000 a pulis ti nai-deploy idiay Metro Manila tapno agbantay kadagiti napateg a lugar, mangimando iti trapiko, ken mangipasigurado iti kinaurnos.
Dinayaw met ti PNP dagiti grupo a nangisayangkat kadagiti protesta gapu iti pannakitinnulong ken panangsurotda kadagiti pagannurotan.
Kabayatanna, karaman kadagiti 13 a menor de edad ken 3 a paralegal ti nakemmeg gapu iti vandalism.
