--Ads--
Limagasut tallopulo ket lima a tattao iti nakemmeg gapu iti panaglabsing ti election gun ban kas kinuna ti Philippine National Police.
Kaadoan a nakemmeg ket manipod Metro Manila a 147, simmaruno iti Central Luzon a 105, ken Central Visayas a 69.
Dagiti nakemmeg ket pakairamanan dagiti kameng ti PNP, Armed Forces of the Philippines (AFP), guardiya ken uppat a gangannaet.
Naala manipod kadagiti suspek ti 208 revolver, 166 pistol, 25 replica a paltog, 13 Class A firearms, 11 explosives, 6 shotgun ken uppat a riffle.
-- ADVERTISEMENT --
Ti election gun ban ket naipatungpal idi Enero 12 agingga Hunyo 11, 2025 tapno maliklikan dagiti insidente iti kinaranggas inaig ti eleksyon kasaruno ti Comelec Resolution No. 11067.
