Pinaneknekan ti five-time champion a Brazil ti dominasyonda iti football field kalpasan nga inabakda ti Scotland iti iskor a 3-0.
Ti pannangabak ti Brazil ket nagserbi a selyo tapno maalada ti kangatoan a puesto iti Group C.
Pito a minutos pay laeng iti umuna a paset ti ay-ayam ket insigidan a nangipakita iti laing ti pambato ti Real Madrid a ni Vinicius Junior, kalpasan a ginundawayanna iti kamali ti depensa iti Scotland a gappuanan iti pannakairekord ti umuna a goal a 1-0.
Sakbay a nalpas ti first-half stoppage time ket naka-iskor manen ni Vini Jr. para iti brace-na a gappuanan iti lamang iti South American powerhouse a 2-0.
Iti panagserrek iti maika-innem a pulo a minutos iti maikadua a paset, tinambakanen ti Brazil ti Tartan Army idi naiserrek ni Matheus Cunha ti maikatlo ken maudi a goal iti laban babaen ti tulong ti maysa nga assist manipod iti kalaban a grupo.
Gapu dayta ket nakastrek ti Brazil ti Round of 32 kas Group C leader.
Kabayatanna, iggem met ti Scotland iti 3 a puntos ken mayur-uray no makastrek kas maysa kadagiti best third-placed teams iti agtultuloy a World Cup.
