Manamnama a siam a bagyo iti sumrek iti Philippine Area of Responsibility (PAR) ita ‘ber’ months.
Mainaig dayta iti La Niña Alert nga impakaammo ti state weather bureau a pakanamnamaan ti 70% wenno nangatngato pay iti posibilidad a pannakabukel ti La Niña ita a bulan iti Oktubre agingga Disyembre ken mabalin nga agtultuloy agingga February 2026.
Segun ti Deputy Administrator ti state weather bureau a ni Marcelino Villafuerte, ti posible a maika-sangapulo ket innem a mabukel a bagyo ket maawagan a “Paolo” ken umabot iti lima agingga siam a tropical cyclone ti sumrek iti PAR agingga agleppas iti tawen 2025.
Numan pay saan a manamnama a napigpigsa ngem kadagiti immuna iti manamnama a bagyo ket masagsaganaan latta iti panagserrekna tapno maliklikan iti dadakkel nga epekto nga itundana.
Kabayatanna, pinalagipan met ni Villafuerte iti publiko nga agbalin a kanayon a nakasagana kangrunaan idiay Visayas ken Mindanao ta isu ti masansana matamaan iti manamnama a bagyo.
