Lima a tattao ti nadunor iti pannakadungpar ti motorsiklo iti e-bike iti national highway ti Barangay Libtong, Tagudin, Ilocos Sur.
Ti 3-wheels electronic bike ket minaneho ti baba inga agtawen iti duapulo ket dua a taga-Barangay Libtong, inluganna dagiti dua a menor de edad.
Ti met Honda TMX 125 a motorsiklo ket minaneho ti lalaki nga agtawen iti duapulo ket innem, backrider-na ti menor de edad nga agtawen iti sangapulo ket lima, agpada nga awan helmet-na ket taga-Barangay Libtong.
Bumallasiw ti e-bike iti kalsada idi nadungpar ida ti agpapa-amianan a motorsiklo.
Nagasgasan ti nadumduma a paset ti bagi dagiti nagkalubbon iti motorsiklo idinto a nagsagaba met iti bassit a dunor dagiti naglugan iti e-bike.
Naipaagas iti ospital dagiti karaman iti aksidente para iti naan-anay a pannakatamingda ket naduktalan a nakainom dagiti nagkalubbon iti motorsiklo idi mapasamak ti aksidente.
