Nabara a pinasangbayan ni President Ferdinand Marcos Jr. dagiti lima a baro nga ambassador manipod Tunisia, Paraguay, Burkina Faso, Marshall Islands, ken Serbia iti maysa a seremonya idiay Malakanyang.
Inyawat dagiti baro nga ambassador iti letters of credence iti Presidente a mangipakita iti opisyal a diplomatic tenure-da kas mangibagi ti gobiernoda iti Pilipinas tapno mapainget ti bilateral relations ken panangiduron ti international cooperation.
Karaman a nag-courtesy call iti Presidente da Ambassador Mohamed Trabelsi iti Tunisia, Ambassador Miguel Angel Ubaldino Romero Alvarez iti Paraguay, Ambassador Bibata Nebie Ouedraogo iti Burkina Faso, Ambassador Anjanette Kattil iti Marshall Islands, ken Ambassador Ivana Golubovic-Duboka iti Serbia.
Ti diplomatic relations iti Pilipinas kadagiti nasao a pagilian ket nangrugi pay laeng idi 1962, 1972, 1975, 1988 ken 2002.
