Mapasamak ita nga aldaw ti one day 4th Vice Governor Ryan Singson Boxing Competition iti Elorde Boxing Gym.
Iti pannakiuman ti Bombo Radyo Vigan ken ni Vanessa Nuñez, open category ti mapasamak a torneyo, kayat na sawen adda dagiti atleta manipud iti sabali a probinsia pakairamanan ti Kalinga, Dagupan, La Union, Benguet, Baguio, ken Ilocos Norte.
Daytoy ket tapno maaddaan ti nasaysayaat a kapadasan dagiti amateur boxer’s iti probinsia ti Ilocos Sur.
Pinasingkedan ni Nuñez a nakasaganan ti amin a masapul iti kompetision pakairamanan iti venue, dagiti safety gears, prizes, trophies, medals, kasta payen dagiti doctor ken medics a makipartisipar.
Iti oras ti alas-7:30 ita a bigat ket marugyan ti pannaka-medical ken weigh–in dagiti atleta ken iti oras ti ala-1 ti malem ket isu ti panagrugi ti kompetision.
