Target ti Philippine Crop Insurance Corporation – Ilocos Sur a ma-insure iti 47,000 a mannalon ken manggalap ita a tawen kalpasan a nairuar iti pondo.
Iti pannaki-uman ti Bombo Radyo Vigan ken ni Mercury Pascua a PCIC Provincial Extension Office Supervisor, naipaay iti PCIC iti P6.5 billion a budget para ita a tawen iti intero a pagilian a ti P75 million ket para kadagiti mannalon ken mangngalap iti probinsia.
Segun ken ni Pascua, gapu dayta ket masapul a ma-insure-da dagiti nasao a sektor isu nga allukoyenna ida a makipaset iti programada.
Kinunana a maaramid iti panagturongda kadagiti barangay tapno mayasideg iti serbisyo para kadagiti mannalon ken mangngalap.
Kadagiti agapply iti biang ti rice ken corn insurance ket masapul a no nakamulada iti uneg iti tallopulo nga aldaw ket mapanda iti opisinada ken itugotda laeng iti RSBSA reference number, photocopy iti valid ID ken masapulda laeng a mafill-out-an iti form.
Iti biang ti non-crop agricultural assets ken livestock insurance ket kasapulan a maaddan ti pormas, RSBSA reference number, photocopy iti valid ID, ken no iti biang ti adda tarakenna ket masapul a mapicture-an ti taraken ken no kadagiti non-crop agricultural assets ket masapul a maala ti certificate of ownership wenno picture-an.
No iti fisheries ket masapul a fill out-an iti pormas, alaen ti RSBSA reference number, valid ID ken no rehistrado iti FishR ket saanen a kasapulan iti permit to operate ngem no saan a nakarehistro ket masapul iti permit to operate.
