Pinasingkedan ti National Privacy Commission (NPC) nga iti napasamak a September 2023 data breach iti state-run Philippine Health Insurance Corporation (PHIC) ket nangapektar iti 42 million a tattao.
Nasdaaw ken madanagan ni House appropriations panel senior vice chairperson Stella Quimbo ti Marikina City iti nasao a bilang.
Dinamag pay ni Quimbo ken ni PhilHealth Chief Operating Officer Eli Santos no naipakaamon kadagiti 42 million members ti nadakamat a data breach.
Segun ken ni Santos, ipatpatungpal ti PhilHealth’s Information Security Office dagiti addang a mangtaming iti data breach, ngem awan pay iti nangipakaamuanda ti aksidente.
Gapu dayta, kiniddaw ni Quimbo a mangipasa ni Santos iti status report maipapan iti data breach iti kabiitan a panawen.
