Naipasa sakbay a nalpas ti 19th Congress iti uppat a pulo manipod innem a pulo a priority bills iti salinong ti Common Legislative Agenda (CLA) nga imbaga ti Legislative-Executive Development Advisory Council (LEDAC).
Segun ken ni Department of Economy, Planning and Development (DEPDev), dayta iti kangatoan a bilang ti priority measures a naipasa manipod 10th Congress iti panawen ti Ramos administration.
Ti LEDAC ket ti consultative ken advisory body ti Presidente maipanggep kadagiti programa ken polisiya a napateg iti panangtungpal kadagiti gagem ti national economy.
Sakbay a nag-adjourn wenno nalpas ti 19th Congress idi June 11 ket naratipikaran ti Senado ken Kongreso ti reconciled versions ti pito a priority bills iti salinong ti Common Legislative Agenda a karaman ti Government Optimization Act, Liberalizing the Lease of Private Lands by Foreign Investors, E-Governance Act, Konektadong Pinoy Act, Virology Institute of the Philippines, Accelerated and Reformed Right-of-Way (ARROW Act), ken ti Enhanced Fiscal Regime para ti Large-Scale Metallic Mining Act.
Apaman a mapirmaan ti presidente, dagiti nasao a linteg ket mainayon iti tallopulo ket tallo a gakat a nagbalin a linteg iti salinong tti Common Legislative Agenda.
