Dinutokan ti Senate Impeachment Court ti tallo a retired a chief justice ti Korte Suprema ken maysa a retirado nga Associate Justice kas amici curiae wenno ‘gayyem ti korte’ tapno tarabayan ti korte no kasapulan a baliwan ti bilang ti botos tapno ma-convict wenno ma-acquit ni Vice President Sara Duterte.
Sumango iti impeachment court inton Setyembre 16 da dati a Chief Justices Artemio Panganiban ken Reynato Puno, karama ni dati nga SC Associate Justice Adolfo Azcuna, tapno mangted ti eksperto a panangiplawag iti isyu.
Kabayatanna, mangipasa met ti legal memorandum ni dati a Chief Justice Hilario Davide Jr., nga isu met ti presiding officer iti impeachment trial ni dati a Presidente Joseph Estrada.
Dinutokan ni Presiding Officer Francis Escudero dagiti amici curiae kalpasan a kiddawen ni Senator-judge Erwin Tulfo a sublian ti decision na iti voting threshold.
