Naipasidong iti restrictive custody ken naikkatan iti armas dagiti 4 a pulis a karaman iti pammaltog idi Biernes Santo idiay Barangay Irawan, Puerto Princesa City.
Segun ken ni Philippine National Police Chief General Jose Melencio Nartatez Jr., dagiti nasao a pulis ket nagresponde iti riribuk iti natayan nga awan ti koordinasion iti hepe ken mapapati a nakainomda iti arak kabayatan a naka-civilian attire-da iti baet ti full alert deployment ken kalkalpas a Semana Santa.
Manipud kadagiti 4 a pulis, 3 ti adda ranggona a police staff sergeant ken 1 ti Corporal ken aminda ket naidestino iti Police Station 2 ti Puerto Princesa City Police Office.
Kabayatanna, binilinen ni PNP Chief Nartatez ti Criminal Investigation and Detection Group ken ti Directorate for Investigation and Detective Management a mangisayangkat iti nainget nga imbestigasion iti pasamak.
