Napadayawan dagiti uppat a Philippine icons babaen ti Presidential Medal of Merit gapu iti konstribusyonda iti Philippine Art and culture.
Dagiti nasao nga icons ket da National Artist for Film ken Broadcast Arts ken Superstar Nora Aunor; Asia’s Queen of Songs Pilita Corrales; UN Tourism Ambassador for gastronomy and 2016 Asia’s best female chef Margarita Fores; ken Queen of Cinema Gloria Romero.
Segun ken ni President Ferdinand Marcos Jr. a nangidaulo iti event idiay Malakanyang, padayawanda dagiti uppat numan pay pimmusaydan gapu iti agtultuloy a panangtulongda iti biang ti arte, cinema, musika ken culinary.
Nagyaman ni President Marcos iti pamilia dagiti awardee gapu iti naipaay dagiti icon iti sining ta saanda laeng a naparagsak dagiti umili nu diketdi pagsarminganda iti pakasaritaan iti pagilian.
Dagiti uppat ket agpapada a natay ita a tawen (2025) ta pimmuay ni Gloria Romero idi Enero 25; ni Margarita Fores idi February 11; ni Pilita Corrales idi April 12 ken ni Nora Aunor idi April 16.
