Umabot iti uppat a barko iti China ti nakita a simmurot iti kaudian a Maritime Cooperative Activity (MCA) iti Pilipinas ken United States idiay West Philippine Sea kangrunaan iti masakupan ti Bajo de Masinloc.
Daytan iti umuna nga MCA iti lugar manipod naikkat ti Chinese floating structure iti uneg ti bahura, a dati ket nagbalin a kontrobersyal gapu iti mapapati nga illegal a presensyana.
Segun ti Armed Forces of the Philippines (AFP), karaman dagiti barko iti China ti dua a Jiangkai-class frigates, maysa a Jiangdao-class corvette, ken maysa nga auxiliary tanker.
Malaksid dayta ket maysa a Chinese maritime patrol aircraft ti napan iti nasao a lugar bayat a maisaysayangkat ti drills.
Iti baet ti presensya dagiti barko iti China ket balligi nga insayangkat ti AFP ken US forces dagiti nakaituding nga aktibidad kas ti search-and-rescue operations, visit-board-search-and-seizure drills, ken division tactics.
